.png)
Gazeta Si – Në fund të korrikut, për shkak të temperaturave të larta dhe mungesës së zgjatur të reshjeve, u shpall thatësirë në shtatë zona të Anglisë – kryesisht në jug – të cilat së bashku mbulojnë gjysmën e sipërfaqes tokësore të vendit.
Londra pa shumë pak shi gjatë gjithë korrikut dhe u vendos një ndalim për përdorimin e spërkatësve për të kursyer ujin, duke kontribuar në zverdhjen e lëndinave.
Kriza është e dukshme në shumë parqe të qytetit, ku lëndinat që normalisht janë të harlisura dhe të mirëmbajtura janë tharë dhe kanë marrë ngjyrë kafe.
Imazhet më poshtë janë në kontrast të plotë me perceptimin e zakonshëm të Anglisë – shpesh të portretizuar, pjesërisht me saktësi dhe pjesërisht përmes stereotipave, si një vend ku “bie gjithmonë shi”.
Në të gjithë Anglinë, vetëm rreth 10 përqind e reshjeve të pritura ranë në korrik – dhe vetëm 3 përqind në zonat jugore.
Ishte korriku më i thatë i regjistruar ndonjëherë (me mbledhjen e të dhënave që filloi në vitin 1836) dhe muaji i tretë më i thatë në përgjithësi, pas shkurtit 1891 dhe qershorit 1925. Në të gjithë Anglinë, reshjet arritën në 35 përqind të mesatares për këtë periudhë.
Ka pasur tre valë të njëpasnjëshme të nxehtësisë (me një të katërt që është aktualisht në zhvillim e sipër) dhe temperaturat maksimale mbetën mbi 30 gradë Celsius për 12 ditë rresht. Kjo përshpejton avullimin e lagështisë së tokës dhe rrit rrezikun e zjarreve në pyje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje