.png)
Gazeta si - Festa pas finales në stadiumin “Air Albania” dhe ajo në aeroport gjatë natës, ia la vendin festës së madhe në Romë. Ishte parada e triumfit nga skuadra e Zhoze Mourinjos.
Una giornata indimenticabile, nella nostra Città.
— AS Roma (@OfficialASRoma) May 26, 2022
GRAZIE A TUTTI 💛❤️
ROMA HA VINTO 🏆 pic.twitter.com/2XOebCOHrj
Gjatë orëve të pasdites, skuadra fituese e Ligës së Konferencës kaloi në rrugët e kryeqytetit italian me një autobus të zbuluar. Veç lojtarëve dhe drejtuesve, ishte i pranishëm edhe pronari i klubit. Mourinjo dhe lojtarët kanë prekur nga afër delirin e tifozëve për trofeun aq shumë të munguar.
Parada e triumfit pati edhe disa momente pikante. Zaniolo, autori i golit të fitores në Tiranë, ishte më i papërmbajtshmi nga lojtarët. Gjatë gjithë kohës ai karikonte tifozët verdhekuq me megafon.
Ra në sy edhe një pankartë thumbuese për Lacion, ekipin rival të qytetit. Një pankartë që u fotografua në duart e Marash Kumbullës, mbrojtësit të Kombëtares shqiptare.
"Lazio, Tirana brutta aria", - shkruhej në pankartën e Kumbullës. Të gjithë e kuptojnë italishten dhe këtë lojë fjalësh, ku përmendet dhe kryeqyteti ynë. Pikërisht në Tiranë Roma arriti të fitojë një trofe të rëndësishëm.
Në të tilla raste nuk mungojnë kurrë thumbat për rivalët e qytetit. Ndodhi kështu edhe në festën e Milanit, ku Interi rival ishte në shënjestër nga shumë lojtarë.
Ajo që të çudit lidhet me faktin se pankartën ironike e mbante në duar Kumbulla, një tip shumë i qetë. Parada entuziaste ndoshta e ka bërë edhe atë të dalë pak nga vetja.
Kujtojmë që mbrojtësin kuqezi e kërkoi me ngulm edhe Lacio dhe konkretisht drejtori sportiv Igli Tare, para se të kalonte nga Verona te Roma.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
