Prezenca e OSBE-së, në Shqipëri ka komentuar përmes një deklarate situatën e krijuar pas përhapjes së koronavirusit në vendin tonë, duke theksuar se deri më tani situata është nën kontroll.
Sipas OSBE-së, lajm i mirë është fakti që nuk ka rritje shpërthyese të të infektuarve.
“Ka qenë një javë e vështirë – por lajmi i mirë është që nuk po shohim një
rritje shpërthyese të infektimeve. Është shumë e rëndësishme që të respektohen
masat që japin rezultat: distancimi fizik, të qëndruarit në shtëpi, larja e
duarve, mbështetja emocionale e njëri-tjetrit”, shkruan OSBE-ja.
Ajo fton po ashtu qytetarët të zbatojnë me rigorizitet rregullat dhe masat e vendosura nga qeveria me qëllim parandalimin e përhapjes së këtij virusi.
“Falënderim i pamasë për ju, punonjësit e vijës së parë, që po ndihmoni në mbrojtjen e të gjithë shqiptarëve: punonjës të shëndetit, punonjës të policisë, punonjës të bizneseve jetike, punonjës të shpërndarjes, ofrues të shërbimeve thelbësore, por veçanërisht mirënjohës për punonjësit e shëndetësisë! Respekti ynë më i madh për ju”, e mbyll OSBE-ja deklaratën e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.