.png)
Nga Gazeta Si- Dy nxënës shqiptarë kanë arritur një sukses në arenën ndërkombëtare duke përfaqësuar Shqipërinë me rezultate në edicionin e parë të Olimpiadës Europiane të Matematikës, e zhvilluar në Lituani. Jamarbër Rushitaj dhe Marius Gjika u vlerësuan respektivisht me medalje nderi dhe medalje bronzi.
Pas suksesit të tyre si fitues në Olimpiadën Kombëtare, dy nxënësit vijuan të spikasin edhe në këtë kompeticion ndërkombëtar, ku u përballën me pjesëmarrës nga vende të ndryshme.
Marius Gjika, i vlerësuar me medalje bronzi, është nxënës i shkollës “Arsakeio” Tiranë ndërsa Jamarbër Rushitaj nxënës i shkollës ”Ali Demi” Vlorë, mori medalje nderi për paraqitjen e tij dinjitoze në këtë garë të njohurive dhe logjikës.
Olimpiada Europiane e Matematikës konsiderohet një platformë e rëndësishme për të rinjtë e talentuar, pasi u jep mundësinë të testojnë aftësitë e tyre në një mjedis ndërkombëtar dhe të krahasohen me më të mirët në këtë fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje