Organizata Botërore e Shëndetësisë i ka bërë thirrje europianëve të jenë të përgjegjshëm gjatë sezonit të pushimeve verore dhe paralajmëroi që kontinenti nuk ishte jashtë rrezikut” në betejën kundër COVID-19 pavarësisht nga një rënie e qëndrueshme e rasteve gjatë javëve të fundit.
“OBSH bën thirrje të keni kujdes, pasi grumbullimet, lëvizshmëria e madhe e popullsisë, festivalet e mëdha dhe aktivitete sportive që do të zhvillohen javët e ardhme mund të jenë të rrezikshme”, tha Kluge.
“Nëse vendosni të udhëtoni, jini të përgjegjshëm dhe të vetëdijshëm për rreziqet,” tha Kluge.
Gjatë dy muajve të fundit, rastet e reja me COVID-19, vdekjet dhe shtrimet në spital kanë pësuar rënie duke bërë që 36 nga 53 vendet e rajonit të lehtësojnë masat. Numri i rasteve të raportuara javën e kaluar shkoi në 368,000, një e pesta e rasteve javore të raportuara gjatë në Prill të këtij viti, tha Kluge.
Kluge tha se i ashtuquajturi varianti Delta, i cili u identifikua për herë të parë në Indi, ishte një çështje shqetësuese. Vendet duhet të mësojnë nga shpërthimet e virusit gjatë verës së vitit të kaluar, edhe pse fushata e vaksinimit është përhapur në të gjithë botën.
Vetëm 30% kanë marrë dozën e tyre të parë të një vaksinë kundër Covid-19, por kjo nuk është e mjaftueshme për të parandaluar një valë tjetër të virusit, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.