.png)
Ndërkohë që disa vende janë nën presionin e variantit delta OBSH deklaron se nuk ka nevojë për një dozë përforcuese të vaksinave.
“Ne nuk kemi informacionin e nevojshëm për të rekomanduar nëse do të jetë i nevojshëm një përforcues”, tha Soumya Swaminathan, shkencëtare e Organizatës Botërore të Shëndetësisë.
Sipas saj një thirrje e tillë është e parakohshme, në një kohë kur personat me rrezik të lartë në pjesën më të madhe të botës nuk kanë përfunduar akoma kursin e parë të vaksinimit.
Dozat përforcuese kundër Covid-19 me shumë mundësi do të fillojnë të bëhen në Mbretërinë e Bashkuar në vjeshtë për të shmangur një tjetër rritje infeksionesh gjatë dimrit. Shtatë vaksina të ndryshme po testohen te vullnetarët në Angli, në studimin e parë në botë, tha sekretari i shëndetësisë Matt Hancock muajin e kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
