.png)
Radiot franceze nuk do të transmetojnë drejtpërdrejtë ndeshjen mes Shqipërisë dhe Francës dhe fajtori, sipas tyre, është Federata Shqiptare e Futbollit që u ka kërkuar një pagesë përtej rregullores që përcakton UEFA.
Radiot “Europe 1”, “Radio France”, “RFI” dhe “RMC” thanë se kishin marrë nga Federata Shqiptare e Futbollit një kërkesë, ku thuhej se për “shpenzime teknike” ishte rritur çmimi i transmetimit për radiot e huaja.
Këto radio thonë se kjo kërkesë nuk mbështetet në asnjë rregull të UEFA-s, përkundrazi i shkel këto rregulla.
Që të katërt transmetuesit radiofonikë, më të mëdhenjtë në Francë deklarojnë se u përpoqën që këtë përplasje ta zgjidhnin përmes federatës franceze. Në deklaratën e tyre thuhet se prisnin një përgjigje para orës 19:00 të së premtes dhe akuzojnë FSHF-në se ka shpërfillur kërkesat e tyre, duke mos u kthyer përgjigje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
