Gazeta Si - Një tjetër person i shpallur në kërkim gjatë megaoperacionit antidrogë “Tempulli” gjatë javës së kaluar, është arrestuar nga policia.
Në pranga ka rënë 19-vjeçari me iniciale L.N. Policia kishte marrë informacion në rrugë operative për 19-vjeçarin që do të udhëtonte drejt Shqipërisë dhe sapo ka mbërritur në aeroportin e Rinasit është arrestuar.
Ndaj tij është caktuar masa e sigurisë arrest në burg në mungesë nga Gjykata e Tiranës për veprën penale ”Prodhimi dhe shitja e narkotikëve”.
Më arrestimin e 19-vjeçarit ka shkuar në 91 numri i personave të arrestuar në Tiranë.
Më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike kanabis, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.