Gazeta Si – Partizani dështon për të disatën herë të dalë nga kriza e rezultateve dhe trajneri Xhovani Kolela mund të rrezikojë seriozisht shkarkimin nga detyra. Të kuqtë janë mundur në shtëpinë e tyre 1-2 nga Laçi, madje me përmbysje.
Viktor Da Silva realizoi një gol shumë të bukur nga distanca, duke krijuar përshtypjen se Partizani po shkonte drejt fitores së munguar. Por shpresat u shuan shpejt. Turkaj barazoi që në pjesën e parë me një gjuajtje me kokë brenda zonës.
Në të dytën ishte Vasil Shkurtaj ai që hodhi në tapet ekipin e kuq me golin e dytë, pas një aksioni nga e djathta. Më pas kryeqytetasit shtuan sulmet, por pa mundur të shkonin te barazimi dhe tashmë e shohin veten 6 pikë pas Tiranës. Zemërimi në radhët e tifozëve sa vjen dhe shtohet ndaj trajnerit italian.
Në anën tjetër, Laçi i trajnerit Gentian Mezani katapultohet në vend të tretë pas kësaj fitoreje, me 29 pikë. Një kampionat vërtet i çuditshëm ky i Superiores.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.