Ngrënia e vetëm një vakti me zarzavate në ditë mund të ulë rrezikun e demencias dhe të ndalojë plakjen e trurit me 4 vite.
Sipas një studimi nga Universiteti i Çikagos, skanimet treguan se të moshuarit që hanin të paktën 6 herë në javë zarzavate e kishin trurin 4 vite më të ri se bashkëmoshatarët e tyre që nuk konsumonin zarzavate.
Zarzavatet janë të pasura me antioksidantë të cilët mund të ndihmojnë në mbrojtjen e trurit nga stresi oksidativ, që lidhet me një çrregullim të antioksidantëve.
Autorja e studimit Puja Agarwal tha se këto rezultate janë shumë të rëndësishme pasi përmirësimi i dietave të njerëzve ka shumë rëndësi për shëndetin e njerëzve.
Studiuesit shqyrtuan 581 njerëz që ranë dakord të dhuronin trurin e tyre pasi të vdisnin.
Ato plotësuan pyetësorë vjetorë ku pyeteshin për mënyrën e të ngrënit.
Të moshuarit vdiqën shtatë vite pas fillimit të studimit.
Pas vdekjes, studiuesit ekzaminuan trurin e tyre për të përcaktuar sa kanë ndikuar zarzavatet në plakjen e trurit.
Shkencëtarët zbuluan se njerëzit që ndiqnin dietën e pasur me zarzavate e kishin trurin 4 vite më të ri se ato që nuk konsumuan zarzavate.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.