Gazeta Si - Dinamo ka mbyllur bashkëpunimin me trajnerin Bledar Devolli, pas humbjes ndaj Kukësit, që e ka zbritur këtë skuadër në vend të parafundit, në rrezik serioz për të rënë nga kategoria. Në këtë situatë, drejtuesit e klubit kanë menduar për ndryshimin e tretë në stol.
Dhe këtë herë ata kanë zgjedhur një italian: Rodolfo Vanolin, një 59-vjeçar që ka drejtuar disa skuadra në Itali, Zvicër dhe Slloveni. Ekipi i fundit që ai ka drejtuar është Koper në Slloveni. Po ashtu, Vanoli ka qenë drejtor teknik tek Udineze dhe CSKA-ja e Sofies.
Italiani do të mbërrijë në Tiranë ditën e martë dhe do të marrë menjëherë drejtimin e Dinamos, duke drejtuar seancën e parë stërvitore. Ai do të debutojë në stolin blu në derbin me Tiranën. Vanoli është italiani i radhës në futbollin shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.