Vetëm pak minuta pas përfundimit të qëndrimit zyrtar të PS-së përmes Taulant Ballës për depozitimin e kërkesës në Kuvend për shkarkimin e Ilir Metës me argumentin se ka shkelur Kushtetutën para dhe gjatës fushatës elektorale, ka reaguar shkurt edhe Presidenti i Republikës, Ilir Meta.
Ky i fundit ka kërkuar përqendrim tek mbyllja e procesit zgjedhor, duke vijuar ta konsiderojë nismën e PS-së një shashkë politike.
“Të përqendrohemi në mbylljen e procesit zgjedhor. Asgjë nuk ka përfunduar!
Të vazhdojë administrimi i çdo kontestimi dhe ankese deri në rinumërimin e votës së fundit.
Detyrë e të gjithë subjekteve të ndjekin procesin deri në fund.
Mos u merrni me ‘shashka’, por me hetimin e krimeve zgjedhore !”, shkruan Meta në Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.