Në një kohë që numri i të infektuarve në vendin tonë nga koronavirusi ka shkuar në 104, në ambientet e jashtme të Urgjencës së QSUT-së ka filluar ngritja e çadrave të triazhit mjekësor me gjasa për të përballuar një fluks të mundshëm të qytetarëve të prekur.
Në këto foto të siguruara nga Gazeta “Si”, shihet vendosja e çadrave të triazhit mjekësor, të cilat shërbejnë për të bërë një vlerësim paraprak të urgjencës që paraqitet.
Një gjë të tillë e njoftoi ministrja e Shëndetësisë, Ogerta Manastirliu, në një komunikim me publikun. Ajo bëri të ditur se në kuadër të masave të marra, përpara Urgjencës së QSUT ka nisur tashmë ngritja e çadrave të triazhit mjekësor.
“Kemi vendosur ngritjen e çadrave të triazhit mjekësor, përpara Urgjencës së QSUT dhe përpara Urgjencës së Spitalit të Traumës. Aktualisht po përfundon trajnimi i ekipeve që do të vendosen në shërbimet e triazhit në çadra”, bëri me dije Manastirliu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.