.png)
Gazeta Si - Festë e madhe në “Selman Stërmasi”. Tirana ka organizuar sot ceremoninë zyrtare të festës së titullit të 26-të në formën e një koncerti. Me shumë të ftuar.
Klubi kryeqytetas hapi dyert e stadiumit për tifozët, që askush të mos mungonte në këtë festë madhështore.
Mes të ftuarve kryesorë spikati aktori i njohur, Reshat Arbana. Tirana kishte ftuar edhe disa këngëtarë, si Pajtim Struga, Renis Gjoka dhe Ronela Hajati e të tjerë.
I pranishëm ishte edhe aktori i humorit, Ledio Lako, apo “Ramadan Kafsha”, siç e njohin të gjithë për rolin e tij si një tifoz i thekur i Tiranës.
Lojtarët dhe pjesëtarët e stafit e kanë “djegur” në këtë festë të titullit të merituar plotësisht. Pas ceremonisë zyrtare të marrjes së trofeut, ata kanë pasur mundësi të qëndrojnë për disa orë bashkë me tifozët dhe të ftuarit specialë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
