.png)
Nga Gazeta Si - Johnny Depp dëshmoi në gjyqin për shpifje kundër ish-gruas Amber Heard. Ai u shpjegoi anëtarëve të jurisë se ndjehej i detyruar të padiste ish-en e tij për shpifje.
Ishte fiksuar për shkak të një artikulli të shkruar nga aktorja dhe botuar në Washington Post në vitin 2018.
Pa e përmendur asnjëherë drejtpërdrejt, ajo e portretizoi atë si një burrë të dhunshëm, abuziv dhe të egër.
Aktori ka kërkuar 50 milionë dollarë dëmshpërblim.
“Ka pasur zënka dhe gjëra të tilla, por unë kurrë nuk kam arritur në pikën që të godas zonjën Heard në asnjë mënyrë vetë”, i tha Depp jurisë së Gjykatës së Qarkut Fairfax në Virxhinia dhe theksoi se kishte pritur gjashtë vjet për të thënë versionin e tij të ngjarjeve.
“Unë kurrë nuk kam rrahur asnjë grua në jetën time”, shtoi ai. Ylli i Hollivudit tha se “akuzat e urryera dhe shqetësuese për abuzim fizik të bëra ndaj tij nga ish-gruaja e tij” nuk bazohen në të vërtetën dhe janë një “shok” për të.
“Ndjeva se ishte përgjegjësia ime të mbroja jo vetëm veten time, por edhe fëmijët e mi”, shtoi Depp. “Doja t’i pastroja fëmijët e mi nga kjo gjë e tmerrshme që duhej të lexonin për babanë e tyre që nuk ishte e vërtetë”.
Aktori shpjegoi gjithashtu se akuzat e bëra nga ish-partnerja i kanë prishur shumë raporte, punë ose jo të krijuara ndër dekada në Hollywood. “Akuzat e saj kanë depërtuar disi industrinë e filmit”, vazhdoi Johnny Depp, i cili, në kohën e skandalit që e përfshiu, ishte ende në kulmin e karrierës, si dhe një nga aktorët më të kërkuar dhe më të dashur në botë. “Është e çuditshme kur një ditë je Hirushja, si të thuash, dhe më pas në 0.6 sekonda je Kuazimodo”, shtoi ai.
Me akuzat për dhunë, Depp jo vetëm që ka filluar ta ketë të vështirë të gjejë punë të reja, por gjithashtu e ka parë veten të përjashtuar nga disa projekte të rëndësishme tashmë: katër ditë pas publikimit të artikullit, Disney hoqi rolin e tij historik të kapitenit Jack Sparrow. E njëjta gjë ndodhi më pas me Warner Bros, e cila hoqi rolin e Grindelwald në Fantastic Beasts 3.
Edhe pse e mohoi dhunën, aktori pranoi se marrëdhënia e tij me Amberin ishte e trazuar.
Për takimin me Amberin në xhirimet e “Ditarit të Rumit” në vitin 2009, aktori tregoi: “Me sa mbaj mend, ishte histori shumë e bukur për të qenë e vërtetë. Ajo ishte e vëmendshme, e dashur, inteligjente, e sjellshme, qesharake, e kuptueshme. Kishim shumë gjëra të përbashkëta”. Dhe ai shtoi se, për një vit e gjysmë apo më shumë, ai jetoi një përrallë derisa “gjërat filluan të ndryshojnë, ose të nxirrte fytyrën e saj të vërtetë”, tha Depp.
Për ta mbështetur në gjykatë, motra e tij dhe infermierja që e shoqëroi në udhëtimin e gjatë të detoksifikimit nga opiatet, e cila tha se e kishte parë zonjën Heard duke u përpjekur të konfliktohej me Depp në më shumë se një rast, duke e nxitur atë në mënyra nga më të ndryshmet.
Para se të dëgjonte Depp-in, ishte thirrur për të dëshmuar Keenan Wyatt, një mik dhe teknik zëri me të cilin aktori ka punuar në disa raste dhe i cili ishte një nga të pranishmit në një fluturim nga Bostoni në Los Anxhelos në 2014, ku Amber Heard ka deklaruar se është keqtrajtuar nga partneri i saj. Johnny Depp hodhi poshtë atë që u deklarua nga avokatët e aktores, duke thënë se ishte ajo që kishte një ton mjaft të ashpër edhe ndaj tij: “Nuk e kam parë kurrë Xhonin të jetë i dhunshëm ndaj askujt”, nënvizoi tekniku.
Përveç kësaj, Depp trajtoi edhe çështjen e varësisë nga droga, duke kujtuar se nëse Heard do ta qortonte për përdorimin e substancave në realitet, ishin konfliktet me të që do ta shtynin të përdorte më shumë. “Vazhdimi i diskutimit ju shkatërron”, tha ai. “Unë u frymëzova më shumë nga zonja Heard për të kërkuar një agjent gjymtues për shkak të luftimeve të vazhdueshme”. Gjyqi pritet të përfundojë në fund të majit.
Marrë nga La Repubblica, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
