Gazeta Si - "Besoj se Nejmar do të rikthehet në fushë për finalen dhe do të japë më të mirën për të ndihmuar shokët e tij të fitojnë Kupën e Botës”, - ka thënë sot babai i yllit brazilian.
Dhe imazhet nga ‘Lusail Iconic Stadium’, para se të fillonte ndeshja mes Brazilit dhe Kamerunit, kanë ndezur shpresat e gjithë tifozëve brazilianë. Sulmuesi i PSG-së është shfaqur në fushë, duke ecur pa vështirësi, madje ka bërë edhe disa xhonglime me topin.
Në kohë Botërori kaq mjafton për të bërë të shpresojë një popull të tërë, që pret Kupën e 6-të të Botës. Nejmar u dëmtua në kavilje gjatë ndeshjes së parë në grup me Serbinë. Përveç tij, Brazili nuk ka ende në dispozicion as dy mbrojtësit e krahëve, Danilo dhe Aleks Sandro.
Në fillim u mendua se Nejmar e kishte mbyllur Botërorin, duke parë dhe kaviljen e tij të enjtur, por tashmë ka shpresa për ta parë sërish në fushë yllin e Brazilit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.