Asnjë gol dhe shumë pak raste për shënim në “big match”-in e javës së 23-të në Serinë A mes Milanit dhe Juventusit. Ka përfunduar me rrjeta të paprekura sfida në “San Siro”, ku duket se ka fituar frika.
Fare pak emocione dhe shumë larg pritshmërive kjo ndeshje përmbyllëse e javës së 23-të, me dy skuadrat që më shumë dukej se ishin të interesuara për të mos humbur se për të fituar. Për t’u veçuar gjatë gjithë 90-minutëshit janë dy pritje të Sheznit, fillimisht ndaj Leaos dhe më pas ndaj Zhiru. Ibrahimoviç luajti vetëm 28 minuta, pasi u dëmtua dhe ia la vendin francezit.
Juventusi në anën tjetër tentoi me Dibalën dhe Moratën, por pa iu afruar golit. Milani zbret në vend të tretë pas këtij barazimi, pasi është kaluar nga Napoli, që ka po 49 pikë, por golaverazh më të mirë. Juventusi vazhdon serinë e rezultateve pozitive dhe mban vendin e 5-të, me 42 pikë, pranë zonës së Ligës së Kampionëve.
Milan-Juventus 0-0
Milan (4-2-3-1): Maignan, Kalabria (Florenci), Kalulu, Romanjoli, Hernandez, Tonali, Kruniç, Mesias (Saelemaekers), Diaz (Benaser), Leao (Rebiç), Ibrahimoviç (Zhiru). Trajner: Pioli.
Juventus (4-4-2): Shezni, De Shilio, Rugani, Kielini, Aleks Sandro, Kuadrado (Bernardeski), Bentankur (Rabiot), Lokateli (Artur), MekKeni, Dibala (Kulusevski), Morata (Kean). Trajner: Alegri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.