Nga Gazeta ‘Si’-Në vendin tonë ka nisur qarkullimi i gripit dhe covid-19, duke shtuar numrin e të prekurve në javën e fundit të muajit nëntor.
Burime zyrtare nga Instituti i Shëndetit Publik konfirmuan për Gazetasi.al se simptomat e gripit dhe covid-19 ngjasojnë por duket se gripi i tipit A është më agresiv në temperaturën e lartë dhe dhimbjen e trupit dhe fytit. Por, sërish në të dyja rastet, mjekët rekomandojnë kryerjen e analizave të gjakut për të parë se cila është natyra e virusit.
Sipas raportit javor të ISHP, bazuar në të dhënat e survejancës që i referohen rasteve të paraqitura në qendrat shëndetësore dhe shtrimet në spital, mësohet se deri më tani situata epidemiologjike për Covid -19 dhe e Grip në vend vijon të ketë luhatje të rasteve me COVID 19.
"Raste të konfirmuara Covid 19, gjatë javës së fundit janë 74 raste nga 57 raste javën e mëparshme.Kemi rritje të lehtë të incidencës në nivel 2.59 /100.000 banorë dhe % e pozitivitetit nga 5.0 në 5.6 / 100.000 banorë.
Incidencën më të lartë e ka grupmosha 75+ vjec e ndjekur nga ajo 65-74 vjec", thuhet në raportin e ISHP për Gazetasi.al.
Sipas ISHP, nga raportimet në nivel kombëtar, vetëm dy raste janë të hospitalizuar me Covid për javën e 47.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.