.png)
Ministrja e Infrastrukturës dhe Energjisë Belinda Balluku njoftoi çeljen e garës ndërkombëtare për ndërtimin dhe operimin e Aeroprotit të Vlorës.
Ajo bëri me dije se në mes të muajit janar pritet fituesi dhe që "shpresojmë të jetë një konsorcium ndërkombëtar i denjë për aeroportin e shqiptarëve. Ky lajm është i rëndësishëm jo për Vlorën, por për gjithë Shqipërinë dhe shqiptarët kudo që janë”.
Gara u çel sot pas një pezullimi 9-mujor për shkak të pandemisë, “e cila i ka dhënë një goditje shumë të rëndë sektorit aeroportual në botë dhe ka paralizuar botërisht investimet në këtë sektor. Shpresojmë që pjesa e mbetur e afateve të garës do të mundësojë afrimin e investitorëve potencialë dhe krijojë hapësirën për përzgjedhjen e një konkurenti fitues brenda vitit”.
Ministrja Balluku bëri me dije se ka patur shumë kërkesa për këtë investim dhe gara do të mbetet e hapur për një muaj deri më 23 nëntor dhe ofertat do të vlerësohen brenda dy javëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
