Pas ditëve rekorde të të hënës dhe të martës, raportet kanë treguar se bota mund të ketë parë shtatë ditët e saj më të nxehta në histori.
Në një deklaratë për shtyp, sekretari i përgjithshëm i OKB-së Antonio Guterres ka thënë se “ndryshimi i klimës është jashtë kontrollit”.
“Mendoj se po kalojmë në një situatë katastrofike, siç tregojnë dy rekordet e fundit të temperaturës”, tha Guterres, duke iu referuar rekordeve të temperaturës botërore të thyera të hënën dhe të martën.
Temperatura mesatare globale e ajrit ishte 17.18 celsius të martën, sipas të dhënave, duke tejkaluar rekordin prej 17.01 celsius të arritur të hënën.
“Ne e kuptojmë se jemi në një periudhë të ngrohtë për shkak të ndryshimeve klimatike dhe kombinuar me El Nino dhe kushtet e nxehta të verës, ne po shohim temperatura rekord që regjistrohen në shumë vende, në të gjithë globin”, thonë ekspertët.
OKB-ja konfirmoi rikthimin e El Nino të martën. El Nino i fundit i madh ishte në vitin 2016, i cili mbetet viti më i nxehtë i regjistruar.
“Korriku do të jetë më i nxehtë ndonjëherë”, thotë Karsten Haustein, studiues.
Pjesë të ndryshme të botës kanë përjetuar valë të nxehti dhe të enjten shërbimi i monitorimit të klimës së BE-së tha se bota kishte përjetuar qershorin më të nxehtë të regjistruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
