.png)
Ambasadori i Bashkimit Europian në Tiranë, Luigi Soreca, kërkoi miratimin sa më shpejt në Kuvend të paktit të 5 qershorit.
Në të njëjtën kohë, Soreca përcolli një mesazh jo të vogël kur tha se dialogu duhet të vijojë edhe për çështjet e tjera zgjedhore.
Dhe çështjet që janë pezull dhe objekt debati janë pikërisht listat e hapura e për pasojë ndalimi i koalicioneve që kërkon ndërhyrje në Kushtetutë.
“Ne inkurajojmë palët të vazhdojnë dialogun me të njëjtën frymë bashkëpunuese që u tregua në marrëveshjen e 5 qershorit. Ne kemi parë disa propozime shtesë për Kodin Zgjedhor, të cilat nuk janë pjesë e rekomandimit të OSBE/ODIHR. Ne e njohim rolin e parlamentit në lidhje me sistemin zgjedhor”, u shpreh ambasadori i bashkimit Evropian në vendin tonë, Luigi Soreca.
Ambasadori i bashkimit Evropian, Luigi Soreca e vlerësoi sërish reformën zgjedhore, kyçe për negociatat për anëtarësimin e Shqipërisë në familjen evropian. “Pa këtë kusht, Shqipëria nuk mund të fillojë konferencën e parë ndërqeveritare. Ky si kusht do të përmbushet patjetër, ndaj duhet bërë patjetër”, u shpreh kryediplomati i BE-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
