.png)
Edi Reja ka vendosur të bëjë ndryshime në listën e lojtarëve të grumbulluar për ndeshjet ndaj Armenisë, Kazakistanit dhe Lituanisë. Nëpërmjet një njoftimi në faqen zyrtare, klubi i Partizanit, ka konfirmuar se kuqezinjve i është bashkuar edhe portieri Alban Hoxha.
Menjëherë pas stërvitjes së fundit me Partizanin, ai është nisur drejt grumbullimit të kombëtares dhe tashmë është bashkuar me pjesën tjetër të lojtarëve. Fillimisht, Hoxha nuk ishte përzgjedhur nga Eduardo Reja.
Për këto ndeshje trajneri ka grumbulluar 3 portierë, Strakoshën, Berishën dhe të riun Molla, ndërkohë që Hoxha bëhet i 4-ti. Ende nuk është qartësuar se cili prej portierëve nuk do të jetë i gatshëm për 3 sfidat e muajit tetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
