.png)
Akuzat e ashpra dhe sjellja aspak normale e Lionel Mesit në gjysmëfinalen e Copa America nuk janë toleruar nga Konfederata Amerikano Jugore e Futbollit. Kapiteni i Argjentinës është pezulluar nga futbolli ndërkombëtar për tre muaj pasi pretendoi se Copa America ishte kompeticion i korruptuar.
Futbollisti i Barcelonës, u dënua me karton të kuq në fitoren 2-1 të Argjentinës ndaj Kilit në play-off për vendin e tretë dhe më vonë tha se "kupa ishte e fiksuar për Brazilin".
Ai gjithashtu është gjobitur me 50,000 dollarë nga Conmebol, Konfederata e Futbollit të Amerikës së Jugut. Mesi ka shtatë ditë për të apeluar vendimin e Conmebol për pezullimin e tij.
Pezullimi do të thotë që Mesi do të humbasë ndeshjet miqësore të Argjentinës kundër Kilit, Meksikës dhe Gjermanisë në shtator dhe tetor. Fushata kualifikuese e Argjentinës për Kupën e Botës 2022 fillon në Mars 2020.
Pas humbjes në gjysmëfinale të Argjentinës me rezultat 2-0 nga Brazili, Federata Argjentinase e Futbollit u ankua për "gabime serioze dhe të ashpra të arbitrave". Si përgjigje, Conmebol tha se akuzat që vinin në dyshim integritetin e Copa America ishin "të pabaza" dhe "përfaqësojnë një mungesë respekti".
Lionel Mesi u ndëshkua me karton të kuq në minutën e 37-të kundër Kilit, pas një përplasjeje me Gary Medel. "Ne nuk kemi pse të jemi pjesë e kësaj korrupsioni," tha Mesi. "Ata na kanë treguar mungesë respekti gjatë gjithë këtij turneu. Mjerisht, korrupsioni dhe gjyqtarët nuk lejojnë që njerëzit të shijojnë futbollin, ata e shkatërruan atë pak futboll këtu."
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
