Ministria e Shëndetësisë ka nxjerrë një akt normativ ku përcaktohet se ndalimi i hapjes së klubeve të natës, diskove, lounge barve dhe çdo lloj shërbimi të kësaj natyre në mjedis të mbyllur apo të hapur, përveç restoranteve. Gjithashtu në aktin normativ përcaktohet ndalimi i muzikës për të gjitha mjediset e shërbimeve pas orës 20.00.
Më tej në aktin normativ përcaktohet se masat ndëshkuese për mos respektimin e këtij vendimi do të jenë përkatësisht gjobë 3 000 000 lekë dhe me pezullim të aktivitetit për një periudhë një vjeçare, për klubet dhe gjobë 1 000 000 lekë për muzikën e lartë, ndërsa në rast përsëritje, me pezullim te aktivitetit për një periudhë gjashtë mujore.
Sipas njoftimit të Ministrisë së Shëndetësisë këto masa vijë për shkak se janë rritur shifrat e të infektuarve dhe vendet e lart përmendura deri më tani kanë shërbyer si vendgrumbullime të rinjsh, ku injorohet dhe sfidohet totalisht zbatimi i masave të domosdoshme, për parandalimin e përhapjes së Covid-19, duke i shndërruar në vatra potenciale infeksioni.
Ndër të tjera Ministrja e shëndetësisë Ogerta Manastirliu ka bërë apel qytetarëve që të zbatojnë masat e vendosura dhe të përshtaten me normalitetin e ri si e vetmja mënyrë për të mbrojtur veten dhe të afërmit tanë e shëndetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.