.png)
Gazeta Si – Një lajm i hidhur është mësuar mëngjesin e sotëm për komunitetin e futbollit. Odisea Çipa, trajneri i Butrintit të Sarandës, ka ndërruar jetë në moshën 58-vjeçare si pasojë e një ataku kardiak.
Ish-futbollisti dhe trajneri sarandiot nuk mundi ta përballonte sulmin në zemër mëngjesin e sotëm. Ai kishte ndjerë shqetësime dhe në ndeshjen mes Butrintit dhe Memaliajt disa ditë më parë, madje ishte transportuar me autoambulancë drejt spitalit të Sarandës.
Odisea Çipa është një nga njerëzit që e kanë qëndruar më pranë futbollit në qytetin jugor edhe në momentet më të vështira. Pas lajmit të hidhur ka reaguar menjëherë edhe presidentit i FSHF-së, Armand Duka, duke bërë një postim në faqen e tij për t’i shprehur ngushëllimet familjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
