NATO shqyrton shtimin e pranisë në Kosovë, Stoltenberg: Kosova dhe Serbia t’i kthehen dialogut

14:14 - 27 Nëntor 2023

Nga Gazeta 'Si' - Sekretari i Përgjithshëm i NATO-s, Jens Stoltenberg ka thënë se NATO po shqyrton shtimin e pranisë në Kosovë.

Kjo vjen pas tensioneve të vazhdueshme në veri të Kosovës. Stoltenberg këto komente i bëri pas takimit në Samitin e ministrave të punëve të jashtme të vendeve anëtare të NATO-s.

“Ne adresuam edhe çështjet në Ballkanin Perëndimor, dhe kemi parë dhunë serioze në veri të Kosovës. Së bashku me Përfaqësuesin e Lartë të BE-së ne do të diskutojmë mënyrat që të rrisim stabilitetin në rajon. NATO-ja tashmë ka shtuar 1000 trupa në Kosovë, dhe jemi duke shqyrtuar një prani më të qëndrueshme në Kosovë”, tha Stoltenberg.

Sekretari i NATO-s foli edhe për procesin e dialogut mes Kosovës dhe Serbisë dhe theksoi se të dyja vendet duhet të rikthehen në tryezën e diskutimeve.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.