.png)
Ka hyrë në ditën e dytë greva e urisë së naftëtarëve të Ballshit, të cilët kërkojnë marrjen e pagave të prapambetura dhe rinisjen e punës.
Grevistët kanë paralajmëruar se nuk do të heqin dorë nga kauza e tyre.
Edhe sot nuk ka ende asnjë reagim nga institucionet shtetërore, ndërkohë që grevistët janë të vendosur ta vazhdojnë protestën deri në plotësimin e kushteve.
“Do të vazhdojmë të qëndrojmë në grevë deri në plotësimin e kushteve. Marrja e pagave, të cilat janë fituar me gjyqe dhe rifillimi i punës, nëse shteti ka menduar që ta mbylli uzinën të na likuidojë ne dhe të mbyllet. Nuk lëvizim që këtej deri sa të marrim përgjigje.
Nuk kemi çfarë i çojmë fëmijëve në shtëpi nga ky shtet maskara”, mësohet se janë shprehur naftëtarët në grevë.
Naftëtarët e Ballshit protestuan edhe në Tiranë më 17 shtator para Ministrisë së Energjetikës dhe Infrastrukturës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
