Vetëm Italia dhe Spanja në BE janë qarkuar zona të verdha, ndaj ende nuk janë në rrezik të lartë të infektimit.
Pjesa tjetër e Bashkimit është krejtësisht e kuqe. Kështu tregon harta e përditësuar e Qendrës Evropiane për Parandalimin dhe Kontrollin e Sëmundjeve (ECDC).
Sipas ECDC, incidenca më e lartë e infeksioneve është e përqendruar në Gjermani, Beneluks, Irlandë, Greqi dhe Evropën Lindore.
Ndërkohë varianti Omicron mund të dominoje botën muajt e ardhshëm, sipas vlerësimit nga agjencia shëndetësore e Bashkimit Europian.
Dëshmitë aktuale mbi transmetueshmërinë, ashpërsinë e sëmundjes dhe zvogëlimin e imunitetit janë shumë të pasigurta për variantin Omicron.
Të dhënat e fundit tregojnë se Omicron pritet të shkaktojë mbi gjysmën e të gjitha infeksioneve Sars-CoV-2 në BE, sipas vlerësimeve të raportuara nga ECDC, Qendra Evropiane për Parandalimin dhe Kontrollin e Sëmundjeve.
"Sa më i madh të jetë avantazhi i rritjes i Omicron në krahasim me variantin Delta dhe qarkullimin e tij në BE aq më e shkurtër është koha e pritshme përpara se Omicron të shkaktojë numrin më të lartë të infektimeve nga të gjitha infeksionet Sars-CoV - 2", thuhet në dokumentin e ECDC.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.