.png)
Pas vendimit për të nisur zyrtarisht hetimet për Marsida Qatjan, pas vrasjes së Dritan Haxhollit dhe plagosjes së Bledar Toçi në shtëpinë e saj në Kavajë, Prokuroria ka vendosur të sekuestrojë pasaportën e 30-vjeçares.
Mësohet se Prokuroria ka pasur informacione që Marsida Qatja do të udhëtonte jashtë vendit, lidhur dhe me faktin se bashkëshorti i saj po vuan dënimin në Gjermani.
Por, tashmë ndaj saj është regjistruar procedim penal pas vrasjes që ndodhi në banesën e saj dhe ka kërkuar “detyrim paraqitje”, por gjykata ende nuk ka dhënë vendim për masën e sigurisë.
Prokuroria ka regjistruar çështjen në ngarkim të Qatjas për nenin 285/1 të Kodit Penal, që është “përshtatje të ambienteve për konsumim droge”, akuzë për të cilën Qatja mund të rrezikojë pesë vite burg. Më 9 tetor në banesën e Qatjas u vra Dritan Haxholli dhe u plagos Bledar Toçi. Ky i fundit është shefi i Sigurisë së Brendshme pranë burgut të Durrësit dhe ndodhet në spital në gjendje të stabilizuar shëndetësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
