Në orët e mbrëmjes janë shtuar ndjeshëm reshjet e dëborës në disa prej akseve rrugore të vendit, ku qarkullimi i automjeteve është më I madh.
Në Tepelenë dhe Gjirokastër trashësia e dëborës ka shkuar deri në 30 centimetra. Në Frashër të Përmetit rruga është e kalueshme vetëm me zinxhirë.
Më problematike është situata në Gjirokastër, ku rruga Taroninë-Qafë-Bardhë është bllokuar. Në bashkinë Memaliaj është zhbllokuar rruga në njësinë administrative Buzë.
Në bashkinë Libohovë, njësinë administrative Zagorie lëvizja e mjeteve bëhet me zinxhirë për shkak të reshjeve të borës.
Në njesinë administrative Picar, segmenti rrugor Rehovë-Golem i bllokuar. Rrugët nacionale janë të kalueshme. Segmenti Erind-Çajup kalohet vetëm me zinxhirë.
ARRSH njofton se në të gjitha akset kryesore të vendit që ka pasur reshje bore janë marrë masat e nevojshme nga kontraktorët dhe kompanitë e mirëmbajtjes, duke trajtuar me kripë dhe pastruar rrugët nga bora.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.