.png)
Gazeta Si – Një episod i çuditshëm ndodhi para ndeshjes së sotme mes Marokut dhe Belgjikës, në momentin kur arbitri sinjalizoi startin e kësaj sfide.
Portieri maroken, Jasine Bounou, titullar i padiskutueshëm i kombëtares së drejtuar nga Hoalid Regragui, ishte në formacionin zyrtar, këndoi edhe himnin bashkë me shokët në qendër të fushës, por pastaj u zhduk.
Nuk ishte portieri i Seviljes që zbriti në fushë, por zëvendësi i tij, Munir El Kajoui. Ndryshimi e gjeti të papërgatitur edhe federatën marokene, që në Tuiter publikoi lajmin 10 minuta pas nisjes së ndeshjes.
Arsyeja e mungesës së Bounou në këtë ndeshje kishte të bënte me gjendjen e tij shëndetësore. Portieri duket se pati marrje mendsh në momentet para fillimit të ndeshjes dhe ia la vendin kolegut të tij.
Në pritje të lajmit zyrtar, ajo që është e sigurt ka të bëjë me faktin se portieri Bounou nuk mbeti jashtë për zgjedhje teknike. Ndaj Kroacisë ai e shpëtoi ekipin në disa raste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
