.png)
Ministrja e Financave, Anila Denaj deklaroi se “Operacioni Forca e Ligjit është shembulli i Qeverisë që ka filluar punën për të luftuar e bllokuar pasuritë e krimit të organizuar në Shqipëri.
Reagimi i ministres mbërriti pas njoftimit të Moneyval që e rivendosi Shqipërinë në atë që njihet si zona gri, ose nën regjimin e mbikëqyrjes së kujdesshme për zbatimin e rekomandimeve për të luftuar pastrimin e parave dhe financimin e terrorizmit.
“Shqipëria ka shënuar progres duke u ngritur në vlerësim për 6 rekomandime. Deri më tani janë 65 milionë euro të sekuestruara nga pasuritë e bllokuara. Po ashtu ka dhe një rritja në mënyrë domethënëse e konfiskimeve për bllokimin e pasurive të krimit. Operacioni Forca e Ligjit është shembull i qeverisë se puna ka filluar. Kemi angazhim të ndërsjellë për hetimet. Në vend ka filluar puna për krijimin e dy regjistrave për pronat. Në këtë proces kanë kaluar dhe vendet e tjetra të rajonit si Serbia, Bosnjë Hercegovina”, deklaroi Denaj.
Ministrja tha se Shqipëria do të vazhdojë të punojë me planin e hartuar me Moneyval në raportin e përbashkët të vlerësimit për të luftuar pastrimin e parave. Plani, thotë Denaj, adreson edhe shqetësimin e Moneyval për një analizë shtesë dhe më të thelluar për këtë fenomen, përmirësimin e trajtimit në kohë të kërkesave juridike; Krijimin e mekanizmave dhe zbulimin e aktiviteteve të tilla kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
