Projekti i ndërtimit të hekurudhës Tiranë-Durrës ka marrë miratimin nga Ministria e Mjedisit për vlerësimin në mjedis. Projekti me autoritet kontraktor Hekurudhën Shqiptare ka siguruar dokumentin si një hap më pranë realizimit praktik të tij.
Leja është dhënë për linjën hekurudhore Durrës-Tiranë, terminalin publik të transportit dhe linjën e re për Aeroportin Nënë Tereza.
Rigjallërimi i hekurudhës në Shqipëri vjen nga financimi me 36.9 milionë i Bankës Europiane për Rindërtim dhe Zhvillim, 35.5 milionë euro nga Kuadri i Investimeve i Ballkanit Perëndimor (WBIF) dhe pjesa tjetër nga qeveria shqiptare.
Projekti i rehabilitimit të hekurudhës Tiranë-Durrës dhe ndërtimit të zgjatimit të ri në Rinas është pjesë e Agjendës së Konektivitetit, që synon lidhjen mes rajonit e më gjerë me Europën, dhe në kuadër të Nismës së Berlinit, projektet që kualifikohen mund të tërheqin grante dhe financime nga donatorët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.