.png)
Ministri i Emigracionit në Mbretërinë e Bashkuar, Robert Jenrick nuk është penduar për gjuhën diskriminuese ndaj shqiptarëve.
“Nuk pendohem për videon, por mendoj se është e rëndësishme që të punojmë konstruktivisht me qeverinë shqiptare, siç po bëjmë”, është shprehur Jenrick i cili ka pasur dhe një debat me gazetarin britanik Nick Ferrari që e kishte ftuar në program.
LEXO EDHE:
- ‘Të shmanget gjuha e urrejtjes’, ministria e Jashtme notë proteste për Britaninë
- Gjashtë tentativat e të riut nga Kukësi për të hyrë në Britani: Kam frikë se do ta provoj prapë
Nick e pyeti ministrin britanik se si mund të jetë konstruktive puna kur ai i shan shqiptarët.
Jenrick u përgjigj: “Ajo që ne duhet të jemi në gjendje të dallojmë është diaspora shqiptare në këtë vend, të cilën ne e respektojmë dhe dëshirojmë të punojmë sa më afër që të mundemi - qytetarët britanikë që janë me origjinë shqiptare, ata që zgjedhin të vijnë këtu ligjërisht...dhe ata të cilët po vijnë këtu ilegalisht me varka të vogla. Është absolutisht e drejtë që qeveria ka një qëndrim shumë të fortë për këtë dhe është një fokus i veçantë i kryeministrit për të ulur dukuritë që pamë vitin e kaluar që ishte një numër shumë i madh i shqiptarëve që erdhën ilegalisht… Shqipëria është një vend i sigurt!”.
Nick i rikujtoi ministrit se ai ka thënë “Unë kam takuar stafin fantastik që ka punuar...për të gjetur shqiptarët, për t'i ndaluar ata, për t'i futur në autobusë, për t'i çuar në aeroport dhe për t’i kthyer në Tiranë.”
"Askund në atë fjali nuk përmendet paligjshmëria. Imagjinoni sikur një vend tjetër të thoshte atë për britanikët”, - është shprehur gazetari Ferrari.
Ministri i Brendshëm deklaroi se ajo që është thelbësore këtu është që ata individë që vijnë këtu ilegalisht dhe ata njerëz që janë shkelës të shtetasve të huaj...të hiqen zyrtarisht dhe të kthehen në vendet e tyre."
Jenrick tha se ai "nuk do të pengohet" nga vazhdimi i punës së tij, por do të vazhdojë të "punojë produktivisht" me qeverinë shqiptare./LBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
