.png)
Milani ka si përparësi në merkato gjetjen e një mbrojtësi, pas dëmtimit të Kjaerit, ku Botman duket më pranë skuadrës së Piolit, por klubi kuqezi po sheh edhe mundësinë për të forcuar sulmin.
Dhe ideja e fundit është Luis Muriel i Atalantës. Skuadra e Gjimshitit sapo ka blerë Bogën nga Sasuolo dhe kështu hapësirat për kolumbianin do të pakësohen. Deri tani Muriel ka luajtur në 14 ndeshje me Atalantën. Milani ka tentuar ta marrë në 2019-ën dhe do të provojë sërish në janar për këtë sulmues.
Nuk do të jetë e lehtë, duke ditur që Atalanta është një rivale direkt e Milanit, por në një situatë të tillë luan rol vendimtar oferta financiare. Milani ka pasur probleme me sulmin për shkak të dëmtimeve të shumta dhe drejtuesit e tij po përpiqen ta fuqizojnë edhe këtë repart.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
