Gazeta Si – Vjen fitorja e parë europiane. Milani i Piolit ka mundur 3-1 Dinamon e Zagrebit në ‘San Siro’ dhe ka marrë vendin e parë në Grupin E me 4 pikë pas dy ndeshjesh. Leao ishte frymëzuesi i Milanit, edhe pse nuk shënoi.
Një fitore me vlera të mëdha morale për kampionët e Italisë, që tashmë po shijojnë edhe Championsin. Kroatët, pas fitores me Çelsin në xhiron e parë, nuk kanë mundur të bëjnë një tjetër surprizë në këtë kompeticion.
Në fundin e pjesës së parë, Milani fitoi një penallti me Leao dhe Zhiru nuk gaboi nga pika e bardhë. Sapo nisi pjesa e dytë, Saelemaekers dyfishoi shifrat me kokë, pas një krosi të bukur të Leaos.
Kroatët e rihapën ndeshjen me një gol të Orshiç, pas një kundërsulmi të shpejtë. Por shpresat e tyre u shuan nga Pobega 13 minuta para fundit, kur ai realizoi golin e tretë të Milanit me një aksion të bukur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.