Gazeta Si – Derbi i parë sezonal shkon për Milanin. Kuqezinjtë tregojnë vlerat e tyre si kampionë dhe përmbysin rivalët nga 0-1 në 3-2. Goli i Brozoviçit u neutralizua nga dopieta e Leaos dhe goditja e Zhiru. Interi shkurtoi me Xhekon, por nuk mjaftoi.
Milani i Stefano Piolit feston pas derbit të parë të Madoninës. Një fitore me përmbysje, ashtu si në derbin e kthimit të sezonit të shkuar në mars.
Këtë herë kanë vendosur një dygolësh i Leaos në të 29-ën, - pas një topi të humbur nga Çalhanoglu – dhe të 60-ën, pas një depërtimi të bukur në zonë. Mes këtyre golave është i zakonshmi Zhiru, me një devijim të saktë në të 54-ën.
Shifrat u zhbllokuan nga Brozoviç në minutën e 21-të. Përballë portierit Maignan kroati nuk nuk gaboi. Vetëm për statistika goli i dytë i Interit me Xhekon.
Përveç Leaos, i cili shfaqi gjithë klasin e tij, vendimtar në suksesin e Milanit ishte edhe portieri francez. Ajo ndaj Çalhanoglu mund të jetë pritja e vitit.
Milani nuk fitonte dy herë radhazi në derbi që prej vitit 2011, kur në stol ishte Masimiliano Alegri. Kuqezinjtë rimarrin kryesimin me 11 pikë pas 5 ndeshjesh. Interi pëson humbjen e dytë në po kaq javë.
Mesfushori i Kombëtares, Kristjan Asllani, nu luajti asnjë minutë në këtë ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.