.png)
Nga Gazeta 'Si'- Ministri i Financave, Ervin Mete në një takim me Menaxherin e Zyrës së Bankës Botërore në Shqipëri, Emanuel Salinas theksoi se do të zhvillohet aksesi në financë si për fermerët ashtu edhe për ndërmarrjet.
Të dy palët diskutuan rreth instrumenteve alternative të financimit, si edhe mundësitë për zgjidhje inovative për mobilizimin e financave të gjelbra dhe digjitale.
Mete gjithashtu theksoi rëndësinë e zbatimit të programeve të edukimit financiar të përshtatura posaçërisht për fermerët dhe ndërmarrjet pasi përmes tyre synohet rritja e njohurive financiare për të marrë vendime të informuara.
Në takimin mes tyre u diskutua gjithashtu mbi përdorimin e mjeteve dhe instrumenteve të gjelbra, si “bondet e gjelbra” si mundësi financimi për të mbështetur projekte të qëndrueshme në peshkim, pylltari e bujqësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
