.png)
Kryetari i Partisë së Lirisë, Ilir Meta, tha pas një orë takimi me Sali Berishën në selinë e PD-së, se protestat janë të pashmangshme.
“Rruga e protestave është një rrugë e domosdoshme ku e gjithë shoqëria do të shprehë edhe ndjeshmërinë e saj për këtë situatë të kapjes së shtetit dhe të korrupsionit. Vendimi ynë është përshkallëzim i luftës kundër korrupsionit. Vazhdimi pandërprere i angazhimit tonë për te denoncuara aferën e djegëseve dhe vendosjen e përgjegjësve kryesor të kësaj afere para drejtësisë” tha ai
I pyetur në lidhje me procesin zgjedhor për kryetar Partie në PD, Meta e injoroi sa kohë tha se kishte një takim me liderin e PD-së (Sali Berisha).
“Ishte një takim shumë i frytshëm me liderin e PD-së edhe uroj dhe besoj se të gjithë demokratët opozitarët të jenë atje ku duhet në vijën e para të ballafaqimit me këtë regjim” tha ai
Po për thirrjen e Petrit Vasilit në SPAK për lobimin e ish-LSI?
“Asnjëherë nuk do të ketë asnjë lloj shqetësimi në raportet Ilir Metës me drejtësinë, shqetësimi është që afera e inceneratorëve vazhdon. Problemi kryesor është se paratë e qytetarëve digjen lumë nga korrupsioni që ka si garant kryesor edhe kreun e qeverisë. Mos kini asnjë shqetësim përveç shqetësimit që të mbrohen paratë e qytetarëve shqiptare” tha Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
