Presidenti Meta ka përfunduar në qendër të vëmendjes së medieve sportive britanike këto dy ditë të fundit. Kreu i shtetit shqiptar gjatë vizitës së tij në samtin e Sarajevës u takua me disa tifozë skocez të Sëlltikut që kishin shkuar në kryeqytetin boshnjak për të mbështetur ekipin e tyre në ndeshjen eliminatore të Ligës së Europës. Në videon e postuar në facebook, Meta shkruante se ishte shumë i kënaqur që u takua me këta tifozë të Sëllitik, ekip ku më herët ka luajtur edhe futbollisti i kombëtares, Rudi Vata.
Sëlltik sipas pritshmërive arriti të fitonte 3-1 përballë Sarajevos dhe pas këtij triumfi kanë vërshuar një sërë postimesh në rrjetin social tuiter të skocezëve që e konsideronin Metën një hajmali fatsjellëse. “The Scottish Sun”, “Daily Telegraph”, “MSN”, “Yahoo”, ishin disa nga mediet ndërkombëtare që shkruan për këtë përshëndetje të Metës me tifozët e Sëlltik.
Nuk mungoi edhe reagimi i dytë i Metës, që postoi një foto të tij me bluzën e Sëlltik, duke i uruar tifozët për fitoren me boshnjakët e Sarajevo. Por edhe një gol i Rudi Vatës kur luante me ekipin skocez kompletoi këtë afeksion të ri të presidentit Meta me Sëlltik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.