.png)
Duke marrë shkas nga një urim i përbashkët i përfaqësuesve të komuniteteve fetare në vend me rastin e Kurban Bajramit, Presidenti Ilir Meta apelon se politika ashtu si edhe feja duhet të udhëhiqen nga fryma e mirëkuptimit dhe bashkëpunimit.
“I lumtur që së bashku me Kryegjyshin Botëror Haxhi Dede Edmond Brahimaj dhe përfaqësuesit e nderuar të komuniteteve ortodokse dhe katolike në vendin tonë, të ndanim me rastin e Kurban Bajramit, në këtë ditë të shenjtë, feste e bashkimi, urimet më të mira dhe të përzemërta për të gjithë besimtarët dhe popullin tonë, duke dëshmuar me krenari një nga vlerat më të mëdha kombëtare, bashkëjetesën e shkëlqyer ndërfetare.
Shqiptarët e bashkuar do t'ia dalin, pavarësisht kostove, sfidave e sakrificave që kërkohen, të ndërtojnë një të ardhme të begatë e të sigurt në Atdheun e tyre!”, tha Meta pas takimit.
‘Uroj që edhe politika, - vijoi ai,- të mësojë e të marrë shembull nga mesazhet e mençura që përcjellin klerikët tanë fetarë, për t’u udhëhequr nga fryma e mirëkuptimit, bashkëpunimit dhe interesave madhore kombëtare, për përmbushjen e ëndrrës së anëtarësimit në Bashkimin Europian dhe heqjen e çdo pengese që e frenon realizimin e saj”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
