Në erën e rrjeteve sociale ndodh gjithçka. Ylli i Liverpulit, Mohamed Salah, ka mbyllur profilin e tij në Tuiter, pasi kishte lënë një mesazh të fundit misterioz, duke ngritur shumë dyshime për të ardhmen dhe duke “tërbuar” ndjekësit e tij.
“2019 Resolution: Time to get in touch, for real” (Koha për t’u takuar vërtet). Ky ishte mesazhi i fundit i futbollistit egjiptian në Tuiter. Kujt i referohej Salah, ose çfarë ka pasur në mendje ai? Ndonjë tifoz i sulmuesit është frikësuar dhe ka nisur të mendojë për një lamtumirë të mundshme të egjiptianit nga Liverpuli. Të tjerë kanë menduar për polemikat që Salah ka me federatën egjiptiane në lidhje me të drejtat e imazhit, kurse një pjesë tjetër tifozësh kanë menduar për një urim të vonuar të futbollistit për vitin e ri 2019.
Tifozët e shumtë, më shumë se 7 milionë e gjysmë ndjekës të sulmuesit të Liverpulit, janë interesuar menjëherë për të mësuar se çfarë ka ndodhur dhe rrjeti është mbingarkuar, duke bërë konfuz ndoshta edhe vetë egjiptianin. Salah, prej mëngjesit të sotëm, rezulton me profil të mbyllur në Tuiter dhe po të kërkosh në rrjet, nuk ka asnjë rezultat. Një lumë mesazhesh nga fansat, të cilët kanë kërkuar shpjegime nga Mohamed Salah, i cili me siguri do të gjejë një mënyrë për t’iu përgjigjur atyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.