.png)
Nga Gazeta ‘Si’ - Media boshnjake “Istraga.ba” raporton se nënkryetari i Listës Serbe, Milan Radoiçiç, është në mesin e agresorëve të plagosur në Banjskë të Zveçanit. I njëjti lajm është konfirmuar edhe nga burimet e mediave në Kosovë.
Istraga shkruan se Milan Radojiçiç, i cili prej kohësh është i kërkuar nga autoritetet e Kosovës dhe gjithashtu në listën e zezë të Amerikës, po merr trajtim të specializuar në spitalin ushtarak në Beograd.
Edhe sipas burimeve të mediave në Kosovë, mësohet se një pavion i tërë i spitalit është bllokuar për kujdesin e tij dhe se aktualisht ndodhet jashtë rrezikut për jetën.
“Në disa raste kemi tentuar të kontaktojmë me Radoiçiçin. Fillimisht, një person i panjohur i cili i është përgjigjur numrit të tij të telefonit ka thënë se ‘nuk është Radoiçiç’, ndërsa më pas, gjatë korrespondencës, i njëjti person ka pohuar se Radoiçiç është mirë dhe se është duke u kuruar. Sipas informacioneve tona Radoiçiç ndodhet në Serbi dhe po trajtohet. Dokumentet e tij u gjetën në makinat e sekuestruara”, shkruan Istraga.
Milan Radojičić, jedan od čelnika Srpske liste, ranjen je tokom terorističkog napada na Kosovu, saznaje @IstragaB Danas smo, u nekoliko navrata, pokušali stupiti u kontakt sa Radojičićem. Prvo je nepoznata osoba koja se javila na njegov broj telefona rekla da “nije Radojičić”,… pic.twitter.com/gqR8Nu00P3
— Istraga.ba (@IstragaB) September 25, 2023
Ditën e djeshme, në një konferencë për media teksa ekspozonte arsenalin e armëve të gjetura, ministri i brendshëm i Kosovës, Xhelal Sveçla tha se Radoiçiç ishte i lidhur me sulmin.
“Në këto materiale, po ashtu kemi gjetur edhe dokumente të kriminelit që është në listën e zezë të SHBA-së, Milan Radoiçiç, dokumente këto që dëshmojnë lidhjen apo pjesëmarrjen e tij të drejtpërdrejtë në këtë aksion.
Kjo është lista e armëve apo lejeve të institucioneve të Serbisë dhënë Milan Radoiçiçit ku është edhe lista me armët që ai posedon, me numra, me të gjitha që janë gjetur në veturën e parë në radhë atje dhe patjetër që dokumenti origjinal është në dorën e forenzikës”, tha Sveçla gjatë konferencës për media.
Ndërkaq, drejtori i përgjithshëm i Policisë së Kosovës, Gazmend Hoxha, tha se në një makinë Mercedes, me targa të Beogradit, është gjetur një leje për armë në emër të Radoiçiçit.
“Dokumenti është i lëshuar nga autoritete serbe, duke ngritur dyshimin e fuqishëm që në mesin e persona të armatosur dhe uniformuar ishte edhe vetë Milan Radoiçiç”, tha Hoxha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
