.png)
Gazeta Si - Teksa nje pjese e opozites po protestonte te marten mbasdite, Këshilli bashkiak i Tiranës vetem me votat e PS (ne mungese te keshilltareve te opozites) miratoi online dhënien e titullit “Qytetar Nderi” për kryetarin e Partisë së Bashkimit Demokratik për Integrim në Maqedoninë e Veriut, Ali Ahmeti.
Nderkohe, Erion Veliaj u pyet mbi 7 ore ne te njejten dite ne SPAK per inceneratoret. Me pas, ai drejtoi online mbledhjen e Keshillit ku njoftoi paraprakisht edhe vendimet qe do te miratoheshin
Ndersa opozota po perleshej jashte dyerve te godines me qellim doreheqjen e Veliajt, Këshilli i Tiranës vendosi të vlerësojë me titullin e “Qytetarit të Nderit” Ali Ahmetin, i cili njihet edhe për pozicionin e tij si një nga udhëheqësit e Ushtrisë Çlirimtare Kombëtare (UÇK), ku luajti një rol kyç në konfliktin e armatosur në Maqedoninë e Veriut në vitin 2001, si edhe në stabilitetin e Maqedonisë në më shumë se 2 dekadat e fundit.
Kjo ishte taktika e parë e Erion Veliajt si kundërpërgjigje e jo vetëm protestës që Rithemelimi kish mbledhur.
Taktika e dytë lidhet me një tjetër propozim po nga këshilltarët socialistë (qe u miratua) për emërtimin e një rruge në kryeqytet me emrin e Remzi Hoxhës. I lindur në Shkup, Remzi Hoxha, biznesmen dhe një aktivist për çështjen etnike shqiptare në Kosovë, ishte larguar për në Shqipëri për t'i shpëtuar persekutimit nga regjimi jugosllav.
Ai u rrëmbye në qendër të Tiranës nga agjentët e SHIK-ut, kohë kur President ishte Sali Berisha. Edhe pse ka kaluar më shumë se çerek shekulli, rrethanat e zhdukjes së tij mbeten të paqarta.
Familja e tij dhe mediat e asaj kohe akuzojnë drejtpërdrejt Sali Berishën për zhdukjen e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
