“Nga 74 deri në 78 pastaj po bëri ky ndonjë tërmet të madh (Gjiknuri) shkojmë edhe 80”, u tha burrave të fshatit Kuç, kryeministri Edi Rama në një tavolinë të përbashkët.
“Po mir por Ilir Meta do të japë dorëheqjen pastaj z.Kryeministër”, i drejtohet një nga burrat e tavolinës
“Kështu ka thënë, po sa gjëra ka thënë ai. Shiko ai (Meta) është me hënë. Kur kthehet hëna mbarë ka bërë edhe gjëra të mira, por këtë herë është kthyer hëna mbrapsht e s’po kthehet më mbarë...u zgjat shumë harroi hëna të kthehet...”, iu përgjigj Rama.
“...Kukës 1, Dibër 3, Shkodër 4, Lezhë 3, Durrës 8, Tiranë 19, Elbasan 8, Korçë 6, Berat 5, Fier 10, Vlorë 9, Gjirokastër 3, tani i mbledhim... 79...79 o zot i madh u bëtë si Luli të tërë...”, ironizoi Rama, teksa burrat po jepnin shifra të ndryshme.
“Tani unë ju thashë 74 deri në 78 sepse në zonën (sipër) mund të bëjnë ndonjë gol ata ndërkohë që gjithë anën poshtë penalltitë i gjuajmë ne ndonjë penalltitë mund të na bjerë edhe në shtyllë dhe rezultati final është 74 deri në 78 për PS”, zhgarravit Rama tek mbulesa letër e shtruar në tavolinë.
“Ta keni këtu. Konventa e Kucit kjo. Votat tek numri 12, që ta mbajmë mend edhe 12... Kjo është. Tani merreni priteni dhe po nuk doli kjo ma këndoni mua pastaj...Firma është imja, noteri i zgjedhjeve Damian Gjiknuri. Damian firmose këtu. Kuç, 10.04.2021”
Rezultati që parashikon Rama
Kukës 1
Dibër 3
Shkodër 4
Lezhë 3
Durrës 8
Tiranë 19
Elbasan 8
Korçë 6
Berat 5
Fier 10
Vlorë 9
Gjirokastër 3
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.