.png)
Nga Gazeta ‘SI’ – Në shkurt 2026, numri i vizitorëve që u akomoduan në strukturat turistike në Shqipëri vijoi të rritet, por me një ritëm më të moderuar krahasuar me ecurinë e përgjithshme të sektorit. Sipas të dhënave, vizitorët u shtuan me 9.7% në krahasim me të njëjtën periudhë të një viti më parë.
Rritja u mbështet si nga vizitorët rezidentë, ashtu edhe nga ata të huaj. Vizitorët rezidentë shënuan një rritje prej 10.6%, ndërsa vizitorët jo-rezidentë u rritën me 9.1%.
Ndërkohë, netë-qëndrimet u rritën me një ritëm më të ulët se ai i vizitorëve. Në total, ato shënuan një rritje prej 3.6% krahasuar me shkurtin e vitit të kaluar. Netë-qëndrimet e vizitorëve rezidentë u rritën me 5.3%, ndërsa ato të vizitorëve të huaj vetëm me 2.7%, duke treguar se qëndrimet kanë qenë më të shkurtra.
Sa i përket origjinës së vizitorëve të huaj, 30% e tyre vijnë nga Italia, 15% nga Kosova dhe 7% nga Mbretëria e Bashkuar. Vizitorët nga Gjermania dhe Franca përbëjnë përkatësisht 5% dhe 4%, ndërsa 39% e turistëve të tjerë vijnë nga vende të ndryshme.
Norma e shfrytëzimit të dhomave në hotele arriti në 16.7%, nga 16% që ishte në shkurt 2025, duke treguar një rritje të lehtë të përdorimit të kapaciteteve akomoduese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje