Më shumë se 350 mjekë dhe punonjës të kujdesit shëndetësor indonezian janë infektuar me COVID-19 dhe dhjetëra të tjerë janë shtruar në spital pavarësisht se kanë marrë të dy dozat e vaksinës kineze Sinovac, thanë autoritetet e këtij vendi.
Badai Ismoyo, kreu i zyrës së shëndetit të një prej zonave me problematike në Indonezi, Kudus, i tha Channel Neës Asia se shumica e të infektuarve ishin asimptomatike dhe u vet-izoluan në shtëpi.
Por ai tha gjithashtu se dhjetëra të tjerë ishin shtruar në spital me temperaturë të lartë dhe probleme me nivelin e oksigjenit
Indonezia, një arkipelag me 270 milion banorë po lufton me një tjetër shpërthim që besohet se ka ardhur nga varianti delta, një mutacion shumë më i transmetueshëm.
Punonjësit e kujdesit shëndetësor indonezian, ishin ndër të parët që u vaksinuan kur ky proces filloi në muajin janar.
Presidenti i Indonezisë Joko Widodo të enjten urdhëroi autoritetet të shpejtojnë fushatën e vaksinimit.
Organizata Botërore e Shëndetësisë në anën tjetër u kërkoi autoriteteve të vendit të katërt më të populluar në botë që të rrisin kufizimet shoqërore për të luftuar rritjen e infeksioneve.
Deri tani mediat e huaja raportojnë se në Indonezi janë vaksinuar me dy dozat vetëm 22 milion banorë.
Nga muaji që vjen, autoritet synojnë të vaksinojnë 1 milion banorë në ditë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.