.png)
Ministria e Shëndetësisë në Kosovë ka njoftuar se vaksinimi kundër Covid-19 i qytetarëve mbi moshën 85-vjeçare, do të fillojë më 8 prill. Procesi i vaksinimit të personave në këtë moshë do të bëhet në Prishtinë, në sallën 1 Tetori dhe në komunat e tjera të Kosovës.
Pas vaksinimit të kësaj kategorie, vaksinimi i personave të moshave 80-84 vjeç do të nisë më 11 prill. Sipas njoftimit të ministrisë, personat e këtyre moshave do të kontaktohen në telefon, varësisht nga të dhënat që kanë dërguar në faqen e aplikimit për vaksinim.
Kosova ka nisur fushatën e imunizimit kundër koronavirusit më 29 mars pas pranimit të 24.000 dozave të vaksinave të kompanisë AstraZeneca, përmes COVAX-it.
UNICEF, ka njoftuar se gjatë muajit maj Kosova do të furnizohet edhe me 76.800 doza të vaksinës kundër COVID-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
