.png)
3 muaj pas vrasjes së Klodian Rashës në rrugën “Dritan Hoxha” në kryeqytet, Prokuroria e Tiranës i komunikon akuzën efektivit të arrestuar, Nevaldo Hajdaraj.
Akuza e re është ajo e vrasjes me dashje, pasi nga hetimet ka rezultuar se Rasha ka qenë i paarmatosur.
Arma e gjetur 200 metër larg vendngjarjes është një model pistolete turke sportive e përshtatshme edhe për armë zjarri.
25-vjeçari Klodian Rasha u qëllua për vdekje me dy plumba, gjatë natës mes 8 dhe 9 dhjetorit, pasi efektivi policisë po e ndiqte sepse kishte shkelur orën policore, të vendosur për të frenuar përhapjen e koronavirusit në vend.
Ndërkohë në kryeqytet dhe në qytete të tjera të vendit u organizuan protesta të shumta ku nuk munguan edhe përleshjet me policinë.
Për një ngjarje të tillë dha dorëheqjen edhe ministri i Brendshëm, Sandër Lleshaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
