.png)
Një klasifikim interesant ka bërë së fundi e përditshmja e njohur franceze “L'Equipe” në lidhje me 30 personalitetet e botës së futbollit në Francë. Gazeta ka marrë në konsideratë ata futbollistë, trajnerë, drejtues apo edhe arbitra, të cilët kanë pasur rëndësi të veçantë në lëvizjen futbollistike në vend.
Fituesi i edicionit që i referohet vitit 2021 është Kilian Mbape, i cili ka mundur dy rivalët Karim Benzema dhe Lionel Mesi, respektivisht në vend të dytë dhe në vend të tretë në këtë klasifikim. Ylli i Francës dhe PSG-së pason kështu arbitren Stefani Frapart, fituese e vitit të kaluar.
10-shja e zgjedhur nga “L'Equipe”:
1 - Mbape
2 - Benzema
3 - Mesi
4 - Galtier
5 - Deshamp
6 - Haise
7 - Pajet
8 - Nejmar
9 - Grizman
10 - Kadidiatu Diani
Për t’u theksuar është fakti se trajneri i Lilës, kampione e sezonit të fundit në Ligue 1, mban vendin e 4-t. Në vend të 5-të është trajneri i kombëtares franceze Deshamps që fitoi Ligën e Kombeve, por me siguri ai ka paguar dështimin në Europian. Jashtë 10-shes së parë kanë mbetur pronari i PSG-së, Al-Khelaifi (vendi i 12-të), Zinedin Zidan (vendi i 13-të) dhe Pol Pogba (vendi i 14-të).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
